TATA KSR 韓式。燒烤 (已結業)

长沙湾有间平价韩食小店，店员都系后生仔黎。细细间嘅餐厅，右边摆放几张四人枱，然后左边就系吧枱，主要用少少霓虹光管作粉饰。呢晚我地一人一个主食再share, 分别order左TATA蛋炒饭，同埋好耐冇食过嘅韩式炸酱面，而小食就分别有泡菜同埋有鸡蛋卷。本身碟炸酱面嚟到嘅时候见到上面好大pat酱有少少担心会唔会好浓味好咸架，但点知捞完觉得份量系刚刚好，亦都冇出现我所担心嘅问题另外嘅蛋炒饭都几香，加埋紫菜觉得好开胃。泡菜嘅份量就比我想中少，但系个蛋卷就非常之唔错，一黎好香，二黎里面除咗有芝士，仲加咗粟米，令个口感更加丰富