新潮發海鮮菜館

营业中

休息中

好耐冇去长洲，所以约埋好姐妹去行街同食下嘢！每次去长洲都不停食，不停打卡，今次除左狂扫街边小食，我地仲去左食海鲜！原因系价钱好吸引！餐厅位置喺海旁道街头嘅新潮发海鲜菜馆，海鲜套餐价钱就睇你拣几多道菜，我地一行4个人决定食足8道菜$648仲唔收加一！性价比极高！🥘小炒类🥘- 姜葱炒蟹，豉椒炒蚬- 最惊喜系姜葱炒蟹，份量大约有两只，蟹肉鲜甜劲好味！炒蚬就系细蚬但份量都唔少又冇乜沙，推介！ 🦐蒸海鲜类🦐- 蒜蓉开边蒸虾、蒜蓉粉丝蒸扇贝 – 海鲜够新鲜，虾肉爽口弹牙，扇贝蒜蓉味够浓够多粉丝！唔错！🍢炸物类🍢-椒盐鲜鱿，椒盐九肚鱼-  炸物好出色，两款都炸至金黄色，鲜鱿外脆内软，九肚鱼咬落松化，鱼肉入口即溶！太美味！ 🍲小菜类🍲- 粟米斑块，生炒排骨 – 估唔到连小菜都咁鬼好味！本想叫蒸蛋，但亚姐推介粟米斑块，果然好好味！热辣辣嘅粟米汁包住炸到卜卜脆嘅斑块 ，送饭一流！仲有菠萝生炒排骨都好入味！成个餐除左抵食，跟套餐仲有汤同菜附送！每碟份量都适中而且好味！白饭 $10碗🥣店员亚姐们好有礼貌！下次再来！