熾工房 (已結業)

住喺度5年多都未嚟过依间食嘢。今次终于的起心肝去试！好用心制作既小店 ～ 长洲难得一见！ 我哋一行4人每人点咗个套餐，除咗阿仔个热狗餐之外，其余3个餐都将薯条转咗蘑菇饭。个蘑菇汁调校得得唔错，佢有落忌廉去煮，但唔会太腻，老公仲追加多一个饭，汁又香又浓，十分推荐！我哋一定会再嚟食！另外炸鸡都好好味，鸡皮炸得劲脆，一咬落去「索索声」！至于肉质方面，口感好嫩滑又有肉汁，但稍为淡左少少，似喺屋企紧咁唔会整到太重味，所以本人觉得佢腌肉可以略为重手d，嚟就番d重口味嘅食客(因为一定会有人话唔够味😂)。另外，炸薯条都值得一赞，唔会切得太幼，即叫即炸，一上枱马上咬一啖薯条，简直辣亲条脷！薯条又脆又热，唔似麦记𠮶啲又幼又唔脆，推荐！除此之外，牛油粟米杯同大啡菇都系正常嘢，自己喺屋企都成日整香草烤大啡菇，可以唔驶出去食。