OXY CHEUNG CHAU

营业中

休息中

长洲除咗食海鲜、抢包山、买海味之外知唔知道仲有啲咩特色？“陈皮咖啡”就系呢次想讲嘅特色啦！呢间位于长洲泳滩外嘅café,主理人系九十后的精品咖啡师，设计出一系列创新嘅咖啡，店舖系大自然装修风，非常别致。宜家仲有蛋糕、窝夫、手抓饼等小食！🥤Matcha latte 抹茶嘅浓郁香气配上鲜奶，实在令人无法抗拒！🥤糖渍柠檬梳打小店特色之一，以秘制蜜糖渍柠檬配上梳打，清甜得嚟微酸，实在系夏天嘅好朋友！🧁特色croffle 非常值得推广！佢唔系一般嘅窝夫，饼底松软酥皮咁嘅感觉好似食紧可颂！面头有新鲜制作嘅忌廉，而我嗌嘅系榴梿味同埋近来大热嘅开心果味！口感非常丰富浓郁！而且套餐只系加廿几蚊就可以食到！🥞肉松手抓饼呢度嘅手抓饼即叫即制，配有肉松芝士鸡蛋同埋其他酱料,好脆好好食！制作好有心机值得大家一试！🥥原个椰皇炖鲜奶夏天喺海边你哋除咗饮嘢之外，想食到啲咩？冇错！一定系椰皇！呢度椰皇炖鲜奶每日限量发售十个，好抢手㗎！店舖曾经为电影嘅拍摄场地，系打卡嘅热点！另外仲有大量嘅手冲咖啡可供选购回家，咁就喺屋企都可以饮到一杯靓咖啡啦！下次试下佢嘅陈皮咖啡先🥰