聖安娜餅屋 (樂富廣場A區)

营业中

休息中

今个农历年食贺年糕点唔多，晌过年前收到姨仔嘅两盒糕，一盒喺年糕，另一盒喺芋头糕，以为又喺传统嘢，点知两底糕都有惊喜 。 至尊山芋芊丝糕 先讲底芋头糕，初时睇盒面写住大大只字「芊丝」糕，以为芋头头改成芋头丝而已，打开包装，原来可以讲喺芋头丝糕，成件糕都喺以幼条芋丝片压成，内里「糕」嘅部分占好少，切起细件嚟有少少易散。 桂花红豆软心年糕 至于底年糕斋睇个名已经好搞鬼，点软心法？讲明软心，打开包装当然喺乜都睇唔出，不过，见到糕内混入好多桂花，而一切开，就明白佢喺将红豆蓉藏晌糕心，而且份量唔少，足占1/3。包装袋有教点煎法，都喺底面煎香就可以。由于年糕馅心嘅豆蓉带甜，怕易煎㶶，所以，都尽量细火慢煎。煎好后，至尊山芋芊丝糕入口芋头味自然浓郁，口感唔错，而且，因为糕嘅份量少，感觉轻盈啲，无咁滞腻 。而桂花红豆软心年糕同样底面煎香就可以，亦可以蘸蛋浆煎，不过，见佢配以红豆蓉，觉得就咁煎仲好。年糕咬落黏糯清甜，而中心嘅红豆蓉，表层焦脆 ，夹埋两者嘅口感几得意，但如果啲豆蓉再减甜，我就觉得更理想。今次所试圣安娜嘅糕点，真心觉得喺几有心思，新颖得嚟唔会太古灵精怪。多谢姨仔心意，不过，