麵館皇 (已結業)

昨晚当完夜班，做埋啲手尾已经十一点几。虽然唔系太肚饿，但都是但揾咗间嘢食。行都呢间门口，老板娘（好似系, 同MENU上既女人差唔多样）就好热情大叫"入嚟试试啦”。见咁就脚，就决定呢间。呢间面馆皇有几间分店。谢斐道呢间好近地铁站。铜锣湾c出口过一条马路就到。摆设系茶餐厅风，干净企理。而且门口宽敞，容易睇住自己架车。（头盔：本人并非在此鼓励违例泊车)食品主要系川沪菜为主。口水鸡，红油抄手，韭菜饺，刀削面。今次点咗碟麻辣口水鸡，药膳汤底手擀面，冻豆浆。口水鸡味道不会太咸，比其他川菜铺出色嘅系选材。鸡肉处理得恰到好处，连鸡胸肉都觉得滑嫩。而且我见每碟都系鸡胸加鸡腿，唔会俾啲鸡骨鸡肋敷衍了事。手擀面，又称烩面，制作手法好考师傅功力。上品系厚度阔度适中统一。上菜时个锅仲滚紧，可见系汤面一齐煮，令面条更加入味。汤底只会散咗淡淡的药材味，怕饮中药的我也觉得份外滋味，把汤全部喝掉。埋单50几，几扺。开完夜，食个药膳煮面，好像补返身咁。