Kin Kao 2

营业中

休息中

好耐之前系大王东街个边试过「食饭」，估唔到开左第2间分店，「食饭」系间泰国餐厅，见Openrice好多人推介泰北咖哩汤面，但暂时未试过，反而试左其他菜式，味道唔错。《泰式蟹肉炒饭》（加太阳蛋）$98炒饭炒得有镬气，粒粒分明，味道唔会过咸过浓味，而且蟹肉的份量比想像中多，见到好多一梳梳嘅蟹肉，加埋只㶶边太阳蛋，d蛋汁增加了成个炒饭嘅口感和丰富感。《泰东北酸香肠》$88入口觉得好特别，味道系咸咸酸酸，肠仔里面除左猪肉，仲有酸菜粒，酸菜令猪肉味更加浓，而且碟边有d姜粒同辣椒粒，同肠仔好夹，可以减淡肠仔嘅咸酸味，增加一阵辣辣地味。《椰青》$48好大个椰青，饮落去好清甜，冇up味，食完泰菜，饮返啖椰青，解渴之余，又可以清走泰菜残留嘅香料味。