街頭火鍋

营业中

休息中

同老公今日黎到街头火锅打边炉，暖笠笠，好舒服💆🏻‍♀️呢度好用心，供应既配料唔止普通见到果啲，仲有啲限量供应既少见配料，好特别(≧▽≦)就好似我地有叫既猪天梯同极品第一刀，好少见既猪既部位🐷猪天梯系猪既上颚，果样好似一层层楼梯，所以就叫猪天梯，软骨黎，所以碌完好爽脆，要有啲牙力先食到呀😆我地配呢个丹波赤面豉味噌蝴蝶腩汤就好夹，咸鲜既汤带出猪天梯既香味。另外极品第一刀就系啲猪被杀之后第一刀被人斩既位，最滑既，呢度既第一刀仲要好肥美，膏纹纹路清晰，猪香渗晒出黎🤤我地另外叫埋新鲜鸡红新鲜鹅肠，两款都好鲜味，完全无腥臭味，鸡红好绵滑，一啲鞋口都无，鹅胶爽爽嫩嫩，配面豉汤鲜味好突出👏🏻我地仲有叫即食小食台式臭豆腐，啲野未碌熟都有野咬下👄臭豆腐新鲜即炸，好香好脆，点埋台式辣酱同台式酱油，香浓惹味！