霞飛點心拉麵 (已結業)

霞飞因为铺面够大，除非大时大节一般都好少坐满，平日更加唔需要等位，唔想等位既时候黎就岩哂啦。今次嗌左碗担担面，味道够浓，但辣味几乎冇乜，钟意食辣既我就有小小失望啦，份量都唔错，女仔自己食一碗都已经够饱。另外嗌左两个特价小菜，分别系黑醋骨同埋凉拌茄子，黑醋骨岩岩上台既时候热辣辣，份量都好多，酸酸甜甜咁。凉拌茄子真系要大赞！冻冰冰咁，上面啲汁极好食，连平日唔多钟意茄子既哥哥都食左几旧，十级开胃，因为系冷盘既关系，上菜速度都极快呀。最后既松子鱼，卖相已经不得了，$178一条，以呢个份量同质素黎讲真系唔算贵。啲汁酸酸甜甜咁，用黎送饭真系一流，不过即叫即整，就要等耐啲先有得食啦。晚饭最后仲送西米露俾我地，味道都唔错架。