影片
更多
2023-11-28
1657 浏览
趁阳光普照，天气又凉凉哋㖞，跟老友踩单车，目的地入大美督，呢条线对我哋嚟讲比较轻松，可以hea住踩。踩到入去，想揾个好地方叹个好啲嘅下午茶，老友推介对住湖畔呢一间越南小餐馆「湖越」，贪其环境好。单睇铺门嘅设计，模拟到成只木船，已经好有心思。餐厅分为室内及室外位，先介绍室内，装修比较精致，以鲜黄色为主调，望上去比较醒目。而墙上黑白嘅画作，四周嘅挂饰，都充满越南色彩。再嚟介绍吓室外，一排露天位，虽然拉起簷篷，绝对冚唔住𠮶一份写意，点点西斜嘅阳光，令带凉意嘅秋风渗进点点温暖，爽到爆；而两张马蹄形梳化位，既舒服，又可以对住个湖同一片树林景，景致一流，好有渡假感，写意到不得了。露天位旁仲放咗张人力车，绝对喺打卡位，更可以话俾啲后生仔知咩喺人力车。香港就无乜机会坐喇，去越南旅行就仲可以试吓嘅。顺带一提，你见铺外一大片空地，喺可以免费泊车，啱晒啲揸车人士入嚟叹吓越菜。台面除咗餐具之外，仲放咗几款越式越南特色酱料，自由取用，不过，辣酱呀呢类我哋就唔喺好食，所以未有试。食物嘅选择，先讲讲个餐牌，由封面到底，制作真喺好精美，成本杂志咁：先有餐厅嘅介绍，跟住，有小食、汤粉、捞檬、越式法包、越式薄饼、米纸卷、
餐厅分为室内及室外位，先介绍室内，装修比较精致，以鲜黄色为主调，望上去比较醒目。而墙上黑白嘅画作，四周嘅挂饰，都充满越南色彩。
再嚟介绍吓室外，一排露天位，虽然拉起簷篷，绝对冚唔住𠮶一份写意，点点西斜嘅阳光，令带凉意嘅秋风渗进点点温暖，爽到爆；而两张马蹄形梳化位，既舒服，又可以对住个湖同一片树林景，景致一流，好有渡假感，写意到不得了。
露天位旁仲放咗张人力车，绝对喺打卡位，更可以话俾啲后生仔知咩喺人力车。香港就无乜机会坐喇，去越南旅行就仲可以试吓嘅。顺带一提，你见铺外一大片空地，喺可以免费泊车，啱晒啲揸车人士入嚟叹吓越菜。
台面除咗餐具之外，仲放咗几款越式越南特色酱料，自由取用，不过，辣酱呀呢类我哋就唔喺好食，所以未有试。
食物嘅选择，先讲讲个餐牌，由封面到底，制作真喺好精美，成本杂志咁：先有餐厅嘅介绍，跟住，有小食、汤粉、捞檬、越式法包、越式薄饼、米纸卷、蔬菜类、越式咖喱、特色主菜、海鲜类、越式火锅、饭类……等等，饮品方面亦有唔少特色嘢，总之选择非常之多元化。
烟三文鱼牛油果米纸卷 $118先嚟讲米纸卷，一客有6大件，晶莹薄透嘅米纸卷睇得到真材实料，卷住大大片咸香油润嘅三文鱼，以及牛油果、甘笋丝、青瓜丝、生菜丝、米粉，加上啲米纸卷咬落去烟烟韧韧，所以，口感非非常之丰富，不论沾上鱼露或自家制带微微甜嘅酱汁，食落去感觉都非常之清爽、清新，又够晒健康。
典越南法包配薯条 $88越式法包都喺越南菜嘅特色之一，咁作为下午茶就啱晒嚟「些牙」，落单时店员更专登问我哋需唔需要一开四，咁呢个当然最好啦，咁我哋就易啲食，唔使自己再切咁麻烦，更意外地喺仲将每一件揾纸、橡筋砸住，方便我哋拎嚟食。而法包入口外脆内软，里面包住厚厚嘅越南猪耳扎肉、大大量嘅鸡丝，仲有酸青瓜同甘笋丝，确喺几好食，而香脆嘅薯条自然喺增值位啦！
湖越牛魔火车头 $108餐牌中有一处介绍店家嘅七大汤粉，我哋觉得又喺唔可以错过，所以，拣咗以店家命名嘅牛魔火车头。单睇牌面都觉得非常丰富，包括有安格斯牛肉、牛丸、牛筋、牛柏叶同牛展，仲伴以白萝卜、洋葱，加上辣椒碎、青柠、银芽、葱、九层塔作为佐料。而啲牛肉非常之嫩滑，牛丸弹牙，牛筋又够腍滑，牛柏叶就好爽口，牛展亦炆得松化，啲河粉多到真喺可以够两至三人共享，令人食得非常满足。
湖越牛魔火车头
$108
9 浏览
0 赞好
0 留言
椰子咖啡 $48曾经晌深井一家咖啡店试过椰子咖啡，觉得几正，正正呢度都有，虽然各师各法，未必一样，但晌咁舒服嘅环境，拣呢杯椰子咖啡就最衬。杯咖啡好大杯吓，店员话喺用上新鲜椰汁做，比用椰奶更清甜，而越南咖啡味道香醇，椰汁跟咖啡又好平衡，唔会一方味道冚过另一方。
食吓倾吓，倾吓又食吓，秋风送爽，时间过得好快。其实，香港仲有好多值得周末逛逛嘅地方，在于你有无发掘，还是选择行大商场啫。
张贴
