大中華飯店 (已搬遷) 新店位置

其实已经多次嚟呢间饭店食饭，但原来冇写过食评...㖊晚又同士头婆嚟得呢度开餐，当然必食呢度嘅招牌菜「黑椒铁板猪手」喇，帮榇咗十数次，次次都有食呢味𩠌，啖啖肉，食极都唔厌。其次就系食另一味「椒汁炒蛏子」，因为呢味嘢都几辣下，吸收咗几次嘅经验，所以落单𠮶时(呢间饭店系要自己写𩠌嘅)，特别喺𩠌名后面括住『微辣』，但原来都系冇乜大作用，究竟系呢味𩠌唔可以唔辣吖，定系厨师唔识字呢...，虽然系咁，但呢度嘅蛏子确实好食，相信就算系辣到跳舞都继续要食...自从上次约两个多月前嚟过之后，发现呢间饭店要客人自己出去舖头出面，佢哋自己另外经营嘅一间所谓士多买汽水啤酒，究竟搞乜呀，唔通冇酒牌所以要出此下策？就算系汽水都可以卖啦，出到去问𠮶位士多主管(系一般饭店嘅啤酒女郎)乜嘢原因，但佢冇回答...另外，宜家又玩埋甜品，饭店嘅冷气已经唔够，我又点会喺呢度食埋店品呢...有两味𩠌都要介绍吓，就系「椒盐骨拼大肠」，同埋「黑椒铁板肥牛粒」，都系相当好食，大家可以参考一吓！