Oasis Bar & Grill (已結業)

呢晚到咗位于尖沙咀诺士佛台嘅楼上餐厅连酒吧，见装修唔错，啱哂同朋友静静地聚下。餐牌选择都多元化，有小食，前菜，沙律，主菜及甜品等，亦有酒精及非酒精饮品。芒果蟹肉牛油果塔（$168）- 卖相好吸引，三层分别系芒果、蟹肉同牛油果。几款味道好夹，芒果香甜，蟹肉鲜味，加埋清新牛油果，开胃又好味。 炭烧西班牙栗饲猪鞍配时令蔬菜及焦糖苹果蓉（$288）- 分量十足，猪鞍厚切，入口肉质鲜嫩，配上焦糖苹果蓉更突显肉味。Lemon Fuji（ $88）- 柠檬汁配上梳打同蜜糖，最特别系用蝶豆花制成冰，杯嘢饮一边饮一边会转变颜色。餐厅好有城市绿洲嘅感觉，情调几好，环境比较清静，啱哂同情侣或朋友倾偈食饭饮野。