壽司郎 (翔盈里)

营业中

休息中

揾左日平日，拣左去黄大仙分店，除红磡店外嘅另一间可以搣飞等位而又唔驶企喺度白等个几两粒钟嘅分店。5:15pm攞飞，尚有梳化位坐等，等左约莫25分钟有位，以呢间嘢嚟讲已算系人道嘅等法。目测10张4人卡位，其余回转位，同某日本分店，又系因为舖面有柱嘅关系，俾我𥄫到有张一人独享不受骚扰枱。平均$20一碟，算交到货，啲寿司🍣片鱼生多数厚切大大件，比较推介海松食贝、海螺双味，爽口鲜味冇白鸟贝咁硬，唔怕腥可以拣埋萤光鱿鱼🦑，几爆汁；餐后必食oreo牛奶雪糕，极浓郁奶味唔同出面啲牛奶雪糕得雪味奶水味。