影片
更多
2007-03-31
今个周末入沙田同阿姨同大小表妹食个饭,本来谂住去饮茶,大表妹话想食南山谷,又好丫!先黎4小碟泡菜,分别系经典大白菜泡菜/麻油芝麻叶各2;前者真系几辣但又几好食,合我口味;后者相对比较温和,怕辣者就适合。阿姨既什么牛肉定食后落单反而最早上台,牛肉成座小山一样,相当壮观!虽然我唔食牛肉,但都觉得味道几香。自己个韩式冷面沙律第二到,外型颇为吸引。将麻酱加入面条后试食,麻酱味道唔重,个人觉得唔多足够,反而将表妹石头饭辣酱加入后,似乎更好吃。面条相当烟靱,几得意!有机会试下水冷面,应该更加特别。配菜方面,沙律菜还算ok,其余蟹柳、青瓜丝、火腿丝则是普通。定食配韩式寿司同面豉高丽菜汤:前者同日本寿司外观相似,内里有火腿丝、甘笋丝、芝麻叶丝,味道ok不过包得几散,好难夹起进食;后者真系第一次饮到呢个配搭既汤,不过味道同口感又几夹,菜丝已煲到够软身,面豉汤又几浓味,清碗!大表妹个石头饭最迟黎,不过睇到又好似好吸引!!见佢将辣酱加入拌匀之后,真系好香!!试食左唔少啖都觉得无饭焦比有饭焦合自己口味,呢款饭唔错。餐牌写明有甜品,但今日甜品欠奉,换来一大个柑!!饮品+$5转雪梨汁,成杯清澈通透,唔多似用雪梨榨
先黎4小碟泡菜,分别系经典大白菜泡菜/麻油芝麻叶各2;前者真系几辣但又几好食,合我口味;后者相对比较温和,怕辣者就适合。
阿姨既什么牛肉定食后落单反而最早上台,牛肉成座小山一样,相当壮观!虽然我唔食牛肉,但都觉得味道几香。
自己个韩式冷面沙律第二到,外型颇为吸引。将麻酱加入面条后试食,麻酱味道唔重,个人觉得唔多足够,反而将表妹石头饭辣酱加入后,似乎更好吃。面条相当烟靱,几得意!有机会试下水冷面,应该更加特别。配菜方面,沙律菜还算ok,其余蟹柳、青瓜丝、火腿丝则是普通。
定食配韩式寿司同面豉高丽菜汤:前者同日本寿司外观相似,内里有火腿丝、甘笋丝、芝麻叶丝,味道ok不过包得几散,好难夹起进食;后者真系第一次饮到呢个配搭既汤,不过味道同口感又几夹,菜丝已煲到够软身,面豉汤又几浓味,清碗!
大表妹个石头饭最迟黎,不过睇到又好似好吸引!!见佢将辣酱加入拌匀之后,真系好香!!试食左唔少啖都觉得无饭焦比有饭焦合自己口味,呢款饭唔错。
餐牌写明有甜品,但今日甜品欠奉,换来一大个柑!!饮品+$5转雪梨汁,成杯清澈通透,唔多似用雪梨榨成,不过又真系有d雪梨渣渣,清清地都ok既。
服务方面,著西装既经理会比较好,起码有点笑容有句多谢;有位男侍应就真系好唔得,听到又唔应你,语气又唔太好,扣分!
唔知关唔关呢餐事,食完无耐肚仔开始有问题,天气开始热,都系要小心食野喇。
张贴
