影片
更多
2022-10-07
489 浏览
勇记海南鸡招牌去骨泰式海南鸡饭海南鸡椰香喇沙价钱💲: $55/ $66好味程度😋: 4.4/5服务🍴: 3.5/5环境🗾: 3/5性价比🥢: 4.4/5回头率😚: 4.2/5-讲到最好食的海南鸡，而家全港都系讲紧全日鸡同勇记。咁啱去开红磡，又同佢哋开舖时间差唔多，梗系要去试试。佢哋开13:45，一开门入左第一堆人就基本上要排队啦，我2点几去到就等左15分钟左右🤔 佢哋分2条队，一条堂食一条外卖，堂食想饮汤，更加系讲运气😵 饮唔到都无得求，都几巴闭。不过食完又真系好好食，仲买埋夜晚返屋企😂-✅✅招牌去骨泰式海南鸡饭。海南鸡颜色好黄好靓，上皮上得好好！皮好薄，有弹性，食落都唔觉得肥腻👍🏻鸡肉粉嫩，好滑，甚至鸡胸都唔鞋😍鸡皮味道咸香d，而鸡肉就比较淡味，隐约有啲鸡味，但完全冇雪味🤩沾小小酸辣酱就惹味小小。最中意系皮同肉中间有层皮冻胶原蛋白咁，好Q，做得出色。淡黄色的油饭食落带香茅同椰香😋鸡味就差啲，不过软硬度都刚好，加埋炸蒜香口啲。呢个饭唯一挑剔的系鸡肉鸡味浓啲会更好🤔-🆗海南鸡椰香喇沙。海南鸡一样，呢个转左一碗喇沙。汤底浓郁重椰奶香，但其他香料味又唔系好觉，未够重口味🧐 米线爽滑，但唔系好
招牌去骨泰式海南鸡饭
海南鸡椰香喇沙
价钱💲: $55/ $66
好味程度😋: 4.4/5
服务🍴: 3.5/5
环境🗾: 3/5
性价比🥢: 4.4/5
回头率😚: 4.2/5
-
讲到最好食的海南鸡，而家全港都系讲紧全日鸡同勇记。咁啱去开红磡，又同佢哋开舖时间差唔多，梗系要去试试。佢哋开13:45，一开门入左第一堆人就基本上要排队啦，我2点几去到就等左15分钟左右🤔 佢哋分2条队，一条堂食一条外卖，堂食想饮汤，更加系讲运气😵 饮唔到都无得求，都几巴闭。不过食完又真系好好食，仲买埋夜晚返屋企😂
-
✅✅招牌去骨泰式海南鸡饭。海南鸡颜色好黄好靓，上皮上得好好！皮好薄，有弹性，食落都唔觉得肥腻👍🏻鸡肉粉嫩，好滑，甚至鸡胸都唔鞋😍鸡皮味道咸香d，而鸡肉就比较淡味，隐约有啲鸡味，但完全冇雪味🤩沾小小酸辣酱就惹味小小。最中意系皮同肉中间有层皮冻胶原蛋白咁，好Q，做得出色。淡黄色的油饭食落带香茅同椰香😋鸡味就差啲，不过软硬度都刚好，加埋炸蒜香口啲。呢个饭唯一挑剔的系鸡肉鸡味浓啲会更好🤔
-
🆗海南鸡椰香喇沙。海南鸡一样，呢个转左一碗喇沙。汤底浓郁重椰奶香，但其他香料味又唔系好觉，未够重口味🧐 米线爽滑，但唔系好索汤。都系油饭夹啲🤫
-
一定一定要饮椰子鸡汤‼️鸡汤来讲，油撇得好干净。味道浓郁无味精，🥕带出的甜味+🥥带出清香，饮落小小浆口有骨胶原，好足料。觉得可以叫多碗😳
-
又真系几好食。个人好小系街食海南鸡都好中意🤤 排15分钟到我觉得好ok! 肉的份量都算多，呢个价钱合理。最紧要系有汤饮！平时无汤家庭都可以补一补啦🤭
-
同区美食🍧: #piggyfoodiein红磡
张贴
