強記小廚

营业中

休息中

这间小厨通常都要等位的，因为门口时常企好多人喺度等， 不过今次有订位， 所以可以直入!简单食个生日饭局，有酒有肴，最紧要大家食得开心!牛柳粒，新鲜嫩滑，干葱头入晒味，配埋腰果，配搭不错。啫啫通菜有虾酱味，但系比较油，份量唔系好大碟。椒盐豆腐外脆内软好味。本来叫羊架，原来已经冇做烧羊架，侍应同朋友都推介羊扒，不过今次唔好食, 又骚, 又油。烧茄子全个都差唔多铺满晒蒜蓉喺度，里面仍水蔬菜汁，够味嘅。邪恶嘅蛋黄黄金虾出现喇，虾熟柔软，啖啖咸蛋王味，好食呀，但系唔可以食得多。煎蚝饼，够脆多蚝仔，唔会油淋淋，好食，送酒一流。灼鱼皮，系爽口弹牙，冇鱼腥味，钟意食鱼嘅人，一试何妨。尖椒好鬼辣，好彩有啤酒。