居廬 (已結業)

土瓜湾有好多隐世美食，但去cafe真系第一次，见可以坐门口位睇实部车唔怕俾人炒牌，兼且可以望吓天空睇风景，就试呢间啦!点咗个玫瑰Latte，卖相好好， 咖啡甜度啱啱好，奶同咖啡比例亦适中，唯一可以进步嘅系玫瑰香味唔够，浓多少少就更好。虽然对住大马路，坐出室外都算宁静，美中不足系如果你唔系烟民，有机会吸二手烟；而如果你怕坐出去会太热或者太冻，坐入室内都算舒服，不过餐厅面积唔大，假日比较嘈，倾计还可以，想静静地睇书就有困难喇。餐厅服务亦唔错，侍应有礼貌，唔怕坐得耐俾人赶走。