FireBird

营业中

休息中

今日放假行街，突然想食鱼生同天妇罗，就谂住睇下附近有咩好食，揾揾下就发现呢间日本餐厅。因为我地试住食下午茶，食少少就再行街，所以净系叫咗两个主食加一个小食。明太子伴玉子烧首先系明太子伴玉子烧，平时食开既玉子烧热辣辣，即烧即食，今次呢个明太子伴玉子烧反而系冻食，冻食既情况下竟然更带出明太子既鲜味，而玉子烧就系软棉棉既口感。横切本金枪鱼三色刺身跟住就系今日既主角，三色TUNA.....三色TUNA分为赤身、中TUNA同大TUNA，我地就由赤身开始食起，赤身质感较实，而且根比较多，而中TUNA脂肪比例较多，肉身相对较淋，最后就到大TUNA，大TUNA有丰富既油脂感，而且无根，入口即溶，食后油脂仍布满口腔。TUNA鱼皮可以制作天妇罗，天妇罗干身而不会太油。珍宝海老天妇罗盛合有惊喜既天妇罗盛， 可能系即炸既关系，等候时间比较耐，茄子油而不腻，海老肉质弹牙，但可以再新鲜啲。