阿不 (已結業)

都帮衬咗《阿不》几年了、「不时不食」、是间不裕又难得嘅独立店舖。对上一次今年十月之后、今日再去门面装修过、换过哂啲污糟凳系好事。一睇餐牌、原来冇哂点心和饱点。我估可能系唔好卖？又或者新人事新作风啩•••午市好似略为调低咗几蚊、但碟小灼菜取消咗。依家拣咗饭或粥就唔会有灼菜、其实碟灼菜系可以弥补主菜食肉兽欠菜的空虚感、尤其重要。管理层点解谂唔到、咁都要悭？另外要辣油、以前系有加XO酱好鬼惹味、依家只有普通辣油。呢啲降级嘅表现对食开嘅顾客可以话系一种灾难。今日午市主菜点咗【玉兰炒牛颈脊】、呢个令人失望、睇卖相已觉得普通、茶记都做到、卖成$98。又偏咸。好彩【榄角一字骨】依然无敌、其地位仍屹立不倒、呢个菜系我呢几年一直encore 嘅原因。其他午市主菜唔知会唔会又咁大落差、有时第一印象好紧要、拣菜式都讲运气。拣错咗可能以后都唔会再嚟、希望餐厅可保持多啲一字骨呢类有特色嘅菜式做稳阵脚。转型后都有啲新好嘢嘅、例如碟煎肠粉系有惊喜、好似炒河咁好食。希望呢度会keep住进步～