影片
更多
2024-05-16
1014 浏览
好耐冇去荷里活，想揾下几年前回忆，发现夏面馆仲系度，于是带小朋友一起重温。阿姐态度比以前差很多，好劳气，可能太忙碌又人工待遇唔好？但尚算可接受啦～菜品不过不失，老公同感：冇当年精致，但味道仍叫ok～最离谱系茶位费。坐低就要俾15蚊一位。哪怕你根本唔饮佢茶（大佬，晚市食饭饮咩茶呢，你上海餐馆来，又唔系茶楼喔！）就算你另外叫嘢饮，都照再收茶位15蚊一位。而小朋友都要收（小朋友细，根本饮唔到茶，亦一啖餐厅水都冇饮过，全程都冇用到餐厅本身茶具同杯碟，餐厅阿姐从开始就冇俾佢果份，可能以为我地用小朋友自家餐具）3大一细，斋茶位就收左60蚊，服务费+1，再收40几。而小朋友使用外卖餐具，一个羹+一个超细胶碗，收左3蚊。姐姐话如果叫外卖，收1蚊外卖餐盒钱（包餐具），但你堂食喔，外卖餐具就要逐个计咯，态度串串d。帮衬食左几百蚊，系阿姐口中竟不如几十蚊外卖好，好好笑！所以，茶位费（坐低费）+服务费就100几蚊，仲贵过佢一个肉菜。而阿姐实在谈唔上有服务可言。性价比太低，今时今日够胆收咁多服务费却提供垃圾服务态度，唔怪得好多人北上食嘢啦。一间普通商场上海菜餐厅仔，不合理收费真赶客，唔会再山长水远去帮衬，整体让
阿姐态度比以前差很多，好劳气，可能太忙碌又人工待遇唔好？但尚算可接受啦～
菜品不过不失，老公同感：冇当年精致，但味道仍叫ok～
最离谱系茶位费。坐低就要俾15蚊一位。哪怕你根本唔饮佢茶（大佬，晚市食饭饮咩茶呢，你上海餐馆来，又唔系茶楼喔！）就算你另外叫嘢饮，都照再收茶位15蚊一位。而小朋友都要收（小朋友细，根本饮唔到茶，亦一啖餐厅水都冇饮过，全程都冇用到餐厅本身茶具同杯碟，餐厅阿姐从开始就冇俾佢果份，可能以为我地用小朋友自家餐具）
3大一细，斋茶位就收左60蚊，服务费+1，再收40几。而小朋友使用外卖餐具，一个羹+一个超细胶碗，收左3蚊。姐姐话如果叫外卖，收1蚊外卖餐盒钱（包餐具），但你堂食喔，外卖餐具就要逐个计咯，态度串串d。帮衬食左几百蚊，系阿姐口中竟不如几十蚊外卖好，好好笑！
所以，茶位费（坐低费）+服务费就100几蚊，仲贵过佢一个肉菜。而阿姐实在谈唔上有服务可言。性价比太低，今时今日够胆收咁多服务费却提供垃圾服务态度，唔怪得好多人北上食嘢啦。一间普通商场上海菜餐厅仔，不合理收费真赶客，唔会再山长水远去帮衬，整体让人失望。
ps，附上食物相（唔系全部），证明真系有去食，唔系乱讲。
44 浏览
0 赞好
0 留言
张贴
