凪豚骨拉麵 (已搬遷) 新店位置

好快就三月，一众同事话三月一号应该要食个开心lunch，所以就千里迢迢黎到大坑食bb ramen！店面好有日本小店风，入到店入面店员都系用日文欢迎你，真系会有种错觉好似去左日本咁。店入面有啲细，午餐时段咁多人有机会要撘枱一齐食。不过抵赞系店员真系好有礼貌，唔知系咪跟番日本人呢哈哈。 其实已经唔系第一次食Bb ramen，上次店员推荐限定嘅蒜拉面系超 好 食。今日限定转左做虾拉面(唔知其实真名系咩lol)，我就叫左虾拉面。佢都有得拣面软硬，有无葱啊，辣定唔辣啊果d。 一摆低佢会先叫你试下个汤先，啊 完全系我喜欢嘅味道，好香同浓浓嘅虾味，朋友话似虾膏。试一试个汤已经忍唔住饮左好多好多啖。之后再捞埋个辣，香得黎带有少少辣，正啊。好多人都怕食软身得济嘅拉面，我都一样怕，所以拣左硬拉面，食落有啲咬口。成碗最好食真系果两块索左啲汤嘅叉烧！唔太肥唔太瘦，食落虽然无夸张到溶喺口入面，但个口感真系好正啊！份量我就觉得啱啱好，女仔可能ok，男仔就有机会唔够喉。不过我觉得可以食完个好好味拉面，下午再食个下午茶就perfect