一風堂 (蘭桂坊) (已結業)

上网睇到一风堂同日本奉天拉面合作，推出咗呢款限定嘅奉天黑酱油拉面($78) ，睇落好吸引啊！中午黎到，店内人山入海，不过大概等左10分钟就有份。点完菜，拉面大概10分钟就送上。餐牌介绍话，黑酱油用鸡汤加入秘制酱油调味。入口味道带点甜味，亦尝到淡淡鱼介海鲜嘅香味同笋香。拉面系我喜欢嘅粗拉面，一如以往我一定拣最硬嘅面，硬面无稔得咁快，面质不错，但带枧水味。配料有三块叉烧、笋、芽菜、日本鱼蛋、同香葱，叉烧肥瘦适中，入口香软。比钱嘅时候，店员向我地介绍一风堂嘅Bari Card app，食完拉面同小食都可以储印花去换coupon同拉面啊，有得储分又几好㖞 ;)