泰太廚房

营业中

休息中

泰式皮蛋炸虾饼唔系度度泰国舖头都见到呢个菜式。一上枱热辣辣，加埋个甜酸酱汁，简直冇得顶！泰太咖喱蟹肉焗面包小霸王。侍应姐姐嚟到台前，将巨大嘅面包逐段切开，原来里面系咖喱混合嘅蟹肉，配合焗到香脆嘅面包真系第一次食。青咖喱牛肉。呢味真系冇得输，食咗两啖即刻要加番个白饭。推介推介！泰式生虾。尚算新鲜，略嫌个汁辣到太劲，自己有啲顶唔顺。生菜包。又系推介，味道配搭平均，唔会太湿唔会太干，生菜分量十足，五个人食都够。马拉盏炒椰菜苗，略嫌辣度唔多够，胜在椰菜苗够新鲜。泰式烧鳝片。呢味菜又系一绝，烧到啱啱好，有份同埋鳝肉入口即溶，加埋个酱汁又醒胃又惹味。饮品方面，拣咗新鲜椰青同埋龙眼冰，都系冇失礼。