有緣小敍

营业中

休息中

自从上次试过夹馍凉皮，对陕西菜念念不忘，意犹未尽，再去走访其他陕西菜菜馆，喺openrice search到一间陕西菜小店~有缘小敍，地点有点吊脚，要食好嘢，行多几步都值得，午市已过，全店只得一两枱客，感觉好优闲，家庭式经营，贴心嘅个人化服务方式，客人可以随心所欲地选择自己可接受嘅辣度，任意要求剔走自己唔喜欢的调味配料。我点咗五香驴肉，老陕汤荞麦饸烙，羊肉饺Biang biang面，同老板娘推介陕西汽水，有两款味道选择，我鼓起勇气点咗罐酸梅汤试试。哈﹗酸酸甜甜，味道讨好得令我有点喜出望外。羊肉饺Biang biang面，我选择微辣，一条过，一匹布咁长嘅宽条面，伴酱汁同炸紫菜碎木耳丝一齐食，咸咸香香，浓郁惹味，滑溜同带点烟韧；羊肉饺馅料韭菜多过羊肉，突出唔到羊肉嘅味道，被韭菜盖过了；五香驴肉唔系咁多地方有，必食；味道随和得令人易于接受，驴肉好焾，质感似午餐肉，特制酱汁少少辣，配五香驴肉嚟食，味道多了分层次；老陕汤荞麦饸烙，外型同日本荞麦面差唔多但质感完全唔一样，荞麦饸烙比较滑，汤底好浓，好足料，有肉碎、土豆片，同香料味道，夏天吃略感油腻，配陕西冰峰酸梅汤，酸甜味道中和了一些油腻感，顿觉清