新祥興茶餐廳 (已結業)

12-7-2009同朋友一心想食昌记的油砂厚多, 点知佢(又)无开档, 结果死死气嚟到呢间冰室搞掂.先嚟 share 食的奶油多: 烘得几靓, 食落热辣辣又松脆, 炼奶够多, 牛油就唔多够.冻奶茶 ($13): 够冻, 但冰唔多, 几好; 饮落稍甜, 但够晒香滑, 唔错.朋友贪得意叫了冻罗汉果茶 ($16), 我觉得稍甜, 佢就饮到面有难色...五香肉丁面 ($17): 面底用福面, 渌得稍腍; 肉丁喺底, 味道甜多过辣; 碗嘢又唔多够热, 麻麻哋好食.朋友食餐肉肠仔面: 伙计阿叔 offer 肠仔可以「煎」, 当然话好, 但 end up 都无煎到嘅 -_-" 味道大路, 亦唔够热, 唔怪得朋友食唔晒...每人放低约 $39, 唔多满意, 好在有下场 -- 凤辉台/ 山村道食布甸!