南洋家

营业中

休息中

去完铜锣湾中央图书馆，返屋企嘅巴士站前新开咗一间南洋家，门面嘅装修都充满南洋风情。自己对狗仔粉情有独钟，所以就拣咗佢嘅南洋客家狗仔粉，狗仔粉嘅口感有啲似上海面。入面有排骨、冬菇、萝卜、味菜等，味道都几唔错。另外就买咗件班兰蛋糕做早餐，颜色鲜艳，质感属于比较干身嘅雪芳蛋糕，都充满班兰香。椰汁糕造成玫瑰花形状，白白滑滑咁，啖啖充满椰汁香。香茅班兰茶属于少甜，所以更加能突出香茅同班兰嘅香味。店外仲挂起一袋袋嘅炸虾片，睇见都知道卜卜脆。