燒烤堂

营业中

休息中

约咗朋友食串烧，拣咗呢间烧烤堂，店舖细细，生意都好好，我哋平日嚟到，都差不多满座。当日Sapporo 生啤有买一送一优惠，$48 有两杯，当然唔同佢客气尽情饮😆。烧烤/串烧食咗十几款，特别推介以下几款：蒜蓉粉丝烧蛏子皇，大大只又新鲜。豚肉牛油果卷，牛油果🥑迷必食，豚肉包住牛油果，口感有啲似豚肉包住三文鱼，好好味。麻辣猪大肠，完全冇臊味，调味做得好好，而且烧得好香口。我自己喜欢加上几滴柠檬汁，好夹。烧茄子好大只，够晒入味除咗普通串烧，其实佢啲烧海鲜都好新鲜，除咗蛏子我哋仲试咗生蚝同埋扇贝，几样都唔错。总括嚟讲餐饭都好满意，啲烧烤味道全部都唔错，啤酒又系抵饮，店员态度又好，就系冷气大咗啲。