影片
更多
2022-11-08
219 浏览
（辛苦晒大家要睇长文，我肯打咁大篇野纯粹希望餐厅之后可以有改善，唔系纯粹环境靓就得）我同朋友10月31 号去完，大家食完之后其实都有少少嬲😂本身想俾OK就算，但系我好希望呢间餐厅嘅负责人，可以用心聆听一下"真系有俾钱食饭"既人既意见😇所以深思熟虑之下，决定要负评。我哋大概19:00 入座，基本上𠮶阵时都冇乜人，只系坐咗两、三张枱左右。侍应都好快就拎咗兜虾条俾我哋食，虾条其实冇咩评价，因为都唔算特别脆，我谂应该都放咗喺空气中有啲时间，味道本身偏淡，不过我哋冇乜所谓啦，毕竟都系小食，就基本上都冇要求。一开始我同朋友分别叫左Sunrise同 Mojito , 我哋本身唔系特别饮得多酒，但至少叫做知道大概系咩味。Sunrise我唔评价因为唔系我饮，朋友只系表示唔好饮。而我𠮶阵决定叫Mojito 嘅原因系因为最普遍，衰极应该有个谱🌝点知呢杯野系刷新咗我嘅味蕾纪录😂好简单一句，Mojito最主要就一定有Mint and Lime ,而我就只饮到酒精味+ soda味🌝 我唔知道Bartender系咪挂住玩手机（系呀我哋一直有留意你玩手机，见到我哋举手想叫野食都扮睇唔到，唔同企喺你面前既侍应讲🤣）而忘
我同朋友10月31 号去完，大家食完之后其实都有少少嬲😂本身想俾OK就算，但系我好希望呢间餐厅嘅负责人，可以用心聆听一下"真系有俾钱食饭"既人既意见😇所以深思熟虑之下，决定要负评。
我哋大概19:00 入座，基本上𠮶阵时都冇乜人，只系坐咗两、三张枱左右。侍应都好快就拎咗兜虾条俾我哋食，虾条其实冇咩评价，因为都唔算特别脆，我谂应该都放咗喺空气中有啲时间，味道本身偏淡，不过我哋冇乜所谓啦，毕竟都系小食，就基本上都冇要求。
一开始我同朋友分别叫左Sunrise同 Mojito , 我哋本身唔系特别饮得多酒，但至少叫做知道大概系咩味。Sunrise我唔评价因为唔系我饮，朋友只系表示唔好饮。而我𠮶阵决定叫Mojito 嘅原因系因为最普遍，衰极应该有个谱🌝点知呢杯野系刷新咗我嘅味蕾纪录😂好简单一句，Mojito最主要就一定有Mint and Lime ,而我就只饮到酒精味+ soda味🌝 我唔知道Bartender系咪挂住玩手机（系呀我哋一直有留意你玩手机，见到我哋举手想叫野食都扮睇唔到，唔同企喺你面前既侍应讲🤣）而忘记了加片柠入去，我杯野只系得d草，冇柠都唔紧要，我连柠汁都feel唔到有😇
Sunrise
3 浏览
0 赞好
0 留言
Mojito
4 浏览
0 赞好
0 留言
Mojito 只有草的存在，而草既味都唔太出，所以似饮紧有alcohol既七喜咁？🤣唔知点形容
不过～我哋唔系志在饮，系志在食，我地见网上面都话呢间餐厅主要系食串烧，所以我哋就算杯嘢唔好饮，都怀住兴奋嘅心情去迎接美食😎
我哋本身仲有个friend但未到，所以叫左少少野食，串烧既话分别有鸡皮，鸡软骨，鸡肝同黑豚腩肉
4 浏览
0 赞好
0 留言
呢一碟串烧，大概等咗我哋差唔多有半个钟左右，等到我哋个friend都到咗了🤭其实已经好Q肚饿。睇到呢度，唔知你有冇留意到左边𠮶几串嘢烧㶶晒🥶（怀疑师傅新手），但系为咗充饥，照食！因为真系等得太耐了。黑豚腩肉算系整体比较好，至少食落较juicy但un左d，要咬多几次先咬得烂。
我哋之后嗌左Cod fish ,照计鳕鱼唔会特别硬，除非未解冻🤡
Cod fish fillet
3 浏览
0 赞好
0 留言
跟住第一眼，真系两旧深啡色既野，系chicken nuggets既非洲版，望落去已经觉得真系好硬。好啦，跟住我哋切开睇吓，可能好食呢～
Cod Fish Fillet
2 浏览
0 赞好
0 留言
用横切面应该睇到鱼同出面旧厚粉分布🤣粉大过鱼，重点系太硬了…唔好话有鱼味，只系食到有鱼既质感。
串烧total叫左三盘，以上呢幅图就系第二盘，呢款系串烧set当中嘅海鲜组合，有带子，蚝肉，鳝，同虎虾。至于上面𠮶啲系我哋单叫嘅嘢食，鸡软骨同鸡肉棒。讲真呢个set不过不失，因为我都谂唔到有啲咩评语，冇乜特别，食落去又冇特别嘅鲜味，我谂应该都系雪藏？如果系新鲜嘅话，可能真系要审视一下，供应商水准真系麻麻哋。
第三盘叫咗秋葵同埋鸡脾肉，秋葵冇鼻涕，纯粹干既秋葵，反而个鸡髀肉，我自己觉得都真系几好食，食落去真系有肉汁同埋个酱几夹个鸡，系呢一餐最满意嘅食物，可惜系我冇影到相🤡所以只可以听我描述。
食到呢度，其实大家都已经冇咩瘾，但系原来没有最差，只有更差。我哋真系好肚饿，所以决定叫多两个Main , 一个系野菌黑松露饭，另一个系杜洛克猪梅肉蒜香榄油意粉。
野菌黑松露饭
9 浏览
0 赞好
0 留言
请原谅我肚饿到手震🤣因为等佢哋上菜真系要预起码20分钟以上嘅时间。呢个野菌黑松露饭，讲真煮得唔入味，黑松露味唔突出，可能落得太少黑松露，白饭冇咩咬感，所以感觉上似食白汁蘑菇饭多啲。
到重头戏，杜洛克猪梅肉蒜香榄油意粉，呢个系我自己拣嘅，拣完之后我好对唔住我啲朋友😂😂我同我啲朋友真系食到笑咗出嚟，唔系因为太好食，系因为觉得自己好似食紧住家饭😂😂
首先，我好想quote番openrice好评啲呢碟菜式嘅意见：
“猪梅肉切粒，一口一粒,肉质爽弹，肉味浓👍🏻意粉充满蒜香同油香，非常惹味”
“好好吃的主食😋从远处已散发出蒜香的魅力🕶吃下时软硬适中的意粉更充满著香草&橄榄的香味道🫒配上满满蒜香的猪梅肉🍗肉质既鲜嫩多汁又松软🤩来到不吃真的会对不住自己的..所以是必须吃的👍🏻”
我一向写食评都系有𠮶句写𠮶句，评价食物，唔会加太多感情色彩，但从以上嘅意见都睇到大家对呢碟意粉都有好高评价
我先俾大家，睇吓我影嘅相
8 浏览
0 赞好
0 留言
骤眼睇落去同𠮶啲加咗filter嘅相，卖相真系冇咩分别，来，我哋起筷了，发现佢真系有加蒜片，但系真系食唔出有蒜味，意粉太干，基本上系冇汁可言，上面嘅意粉基本上系摆落水煲完嘅意粉，然后摆晒所有材料喺同一碟嘢上面，冇调味嘅味道。
至于个旧杜洛克猪梅肉，上网search系来自西班牙，我唔知旧肉，系咪真系made in Spain,但系旧肉咬落去嘅感觉，我同朋友都觉得好似阿妈煲完汤之后倒出嚟嘅瘦肉😂我已经谂唔到咩形容词形容佢，因为我净系谂到呢个情景😂😂唔好话有肉味，系咬落去觉得似咬紧一旧硬既瘦肉，起丝𠮶d。我唔知呢个口感系咪西班牙猪肉既特色，但只可以话我哋真系唔识欣赏呢旧肉。
呢个冇调味嘅瘦肉意粉食到一半，我哋真系滴晒汗💩又俾相大家睇吓
9 浏览
0 赞好
0 留言
真系搞唔掂，食到一半先知道原来系汤意粉😂咩料，我同我啲朋友都真系表示非常失望，因为已经俾晒机会了。
Lost In Kyoto
11 浏览
0 赞好
0 留言
Snowball, White Russian
5 浏览
0 赞好
0 留言
最后嗌多三杯嘢饮（Lost In Kyoto,Snowball,White Russian) ,纯粹俾吓面，因为我哋都坐左喺度差唔多有四个钟，但系有三份一时间都系等嘢食🤣发觉呢度调嘅酒唔太正宗，饮落已经feel到酒精落得比较重/多，钟意饮重酒精嘅应该会喜欢，但我哋唔喜欢。
最后埋单连八折主菜优惠，total食咗$1470
除返开大概每人$500左右，讲真，一啲都唔值。
唔觉唔觉写左2千几百字，如果有机会嘅话，希望餐厅有缘份睇到呢篇食评，可以自己内部检讨吓点样提升食物质素。完全不能理解点解OpenRice有咁多好评。我同朋友都表示非常之失望，唔会再有下一次。
月好味：🌝
月方便：🌝🌝🌝🌝（近尖东地铁站）
月舒适：🌝🌝🌝
月抵食：🌝
月推荐：🌝
张贴
