瑞士餐廳

营业中

休息中

除夕夜book左8半，早左10分钟到。一开始都有6成full但只有两个待应，好惊好似之前评论咁讲会无人招呼或者上菜好慢。点知Order左野食差唔多8点半多左3个待应，全场满晒。我哋叫咗两个头盘同一个有酒精嘅芝士火锅。等左一阵，嘢饮同头盘都黎齐，鹅肝同白鸽胸risotto都好好味，而且服务都好周到换碟又快。食完冇几耐就到重点芝士火锅，配料有面包同蔬菜，啲面包吸晒芝士，香浓嘅芝士同酒味好夹，食落全身暖粒粒。加埋环境装修都好有瑞士小屋feel，咁啱我个位旁边有棵好靓嘅圣诞树，感觉好温馨。好耐之前听朋友提过呢间餐厅嘅芝士火锅好好味，自己未食过，睇到啲评论又话转左手之后差左都有d担心。今次终于试左唔单止无伏，所有食物都好有水准，服务都唔差。除夕最低消费都系每人350蚊，唔似其他餐厅狮子开大口，响尖东附近食完就行去倒数lu。