麺屋武蔵虎洞 (青衣城) (已結業)

今日同朋友去咗青衣行街shopping，见到有间日本餐厅之前网上好多人介绍过，所以决定去试下，佢位置好方便就系青衣城入面，入到去发觉装修好有地道日本风情，而且坐位宽阔舒适，佢地侍应仲好有笑容，会主动同妳打招呼，今时今日咁既服装态度确实难得！之后我地马上叫嘢食！首先上嚟系主力推介既虎尾拉面，佢既拉面煮得刚刚好，非常有口感，而且佢既虎尾肠又大又长，豚肉肉质鲜嫰、配上秘制豚骨汤底，简直系完美配搭！我朋友就叫咗个赤虎叉烧拉面，我试咗几块叉烧，发觉肉质非常嫰口，肉汁又多，而且每块又大又厚，绝对抵食，佢既汤底有比较香辣，所以好适合喜欢浓味朋友既口味！小食我地叫咗芦笋苗牛肉卷同埋明太子玉子烧，佢既牛肉卷系皇牌必叫之选，鲜甜芦笋卷上嫰滑既牛肉，外层淋上秘制烧汁，食落浓郁既牛肉香味完全系你既口腔回荡，历久不散，另外佢既玉子烧亦系惊喜之作，蛋皮煮得刚刚好，加上沙津酱，劲滑劲好食，所以大家一定要试下佢！