滑嘟嘟

营业中

休息中

「滑嘟嘟」就系我山长水远入大埔嘅原因之一！佢地纯手作嘅糯米糍同芒果甜品都唔错！如果钟意食糯米糍嘅话，绝对唔可以错过依间！花生芝麻馅糯米糍- 暂时系我食过最满意嘅糯米糍（每日新鲜包嘅）佢地嘅糯米糍冇花巧嘅野，就只有一种口味（花生芝麻馅），馅嘅味道同口感都几好，甜度适中，仲「爆馅」，馅嘅份量好足，每一啖都好满足个种！重点系糯米糍嘅皮既薄又软糯，所以好加分！ （建议当日食完！）分为 3 个一盒同 6个一盒嘅粒粒芒果爽 - 除左糯米糍，依个都系我每次必买嘅！佢入面有椰汁西米、新鲜芒果、芦荟、椰果同仙草！整体嘅味道同口感都好，几清爽，唔会好甜，食完成个都冇乜罪恶感哈Haha芒果椰汁奶冻 - 佢入面有新鲜芒果、椰汁同鲜奶，都系唔会过甜。虽然我觉得依款冇粒粒芒果爽咁惊艳，但有种越食越好食嘅感觉。佢入面有好多芒果肉（就算唔系季节，都唔会酸），底部奶冻嘅口感几滑，椰香味几足，建议一定要芒果肉+奶冻一起食。佢地另外仲有港式传统糖水，例如芝麻糊、合桃糊、椰汁渣咋、芋圆等等同其他嘅芒果甜品！*佢地每逢礼拜一休息