四寶食堂 (已搬遷) 新店位置

系炮台山一带觅食嘅人一定识得半岛冰室，门口长期都有人龙！我见最近隔离开左间新餐厅，唔驶排队，就当然要试试！我就叫左依个番茄米粉配炒蛋加奶油猪其实个餐本身系番茄通粉嘅，但咁岩通粉卖哂，问我转米粉好唔好，咁我又冇乜所谓就转左米粉～番茄米听落好似好颓 但食落就好惊喜！番茄汤底劲足料，食得出系真材实料，唔系罐头番茄味，啲米粉又够哂爽口，就算浸耐左都依然弹牙，值得一赞！😍而奶油猪烘得劲脆，又唔会太干！好好食！一定好食过某连锁茶餐厅！同行友人叫左猪排麻辣捞面，我偷食左一啖，觉得个麻辣汁超级好食啊！！下次再嚟一定要试麻辣捞面睇嚟今次半岛真系有劲敌啦