唐包點 (港鐵美孚站)

营业中

休息中

今晚屋企无饭食，唯有食自己。美孚站入面开左间唐包点，其实都系唐记集团。由于唐包点都系开向地铁站里面，所以佢地D食物包装都好唔同，预先包好晒，方便拎走。唐记既糯米鸡一直都系我至爱，廿几蚊好鬼大只，又足料。唐包点既糯米鸡系放在一个外卖盒里，方便大家在赶时间既时候极速充饥，不过我就买返屋企慢慢叹。糯米鸡入面有咸蛋黄，一大旧叉烧，一只鸡中翼，冬菇，好juicy既肉碎，夹埋黏黏既糯米非常好味。食完一只之后真系大满足，好饱。唐包点卖既雀巢咖啡唔会比外面贵，都系巿价，咁就随便买罐送糯米鸡。唐记菜肉包都好好味，皮薄肉厚，所以买定一个第二朝食早餐，买多几罐咖啡慢慢叹。