隨變燒烤麻辣雞煲

营业中

休息中

其实知道有呢间嘢好耐好耐好耐，不过因为太多选择都冇食过，直到近日朋友圈提起过呢间，就趁今晚去食下。我哋两个人叫咗随变麻辣鸡煲（全鸡 $208），原本想要中辣，不过个哥哥仔话佢哋啲辣比出面重手同劲好多，建议我哋真系唔够辣先加，咁就听佢话改做小辣。呢度个汁比出面稀身，不过都清楚见到有干辣椒、洋葱、芫茜、青椒、花椒八角，鸡肉食起上嚟几滑，食一啖个嘴唇就已经辣到麻痺咗。另外叫咗啲小食：麻辣猪耳（$38），又系辣辣哋，都几爽口。烧牛舌心（$40）、烧香菇（$20），味道分别唔大，都系用孜然粉调味，两款嚟讲牛舌心会比较好食，冇咁干身。我哋仲叫咗啲火锅料，例如有韭菜饺、云吞、皇帝菜、金菇、鸡脾菇、鱼腐、牛筋丸同响铃等等，除咗响铃唔脆之外，其他都正常，另外再加咗嘢饮。