影片
更多
2020-08-07
3759 浏览
呢日放假去咗将军澳踩单车，咁事前就梗系要食个美味午餐啦。朋友话听人讲坑口有间隐世寿司店「鲔世市场 」好正，咁我哋就顺便试下啦😜。朋友去攞位先，但谂都谂唔到Weekday竟然要等位之余，仲足足要等半个钟！其后我哋仲发现餐厅原来两点钟左右就会停止派筹，因为佢哋三点打后落场，晚市先再开返😮。不过都明白嘅，因为座位极之少，一眼望晒，大约得十个吧枱座位。之但系装修真系几靓，几有日本风味🇯🇵，感觉干净衞生、无异味。完全唔似座落于街市旁嘅美食广场。苦苦坚持，等到大约两点半终于有位😆，女店员即刻为我哋送上热茶🍵，过程中佢亦有不断帮我哋加水。店员同寿司师傅们都好好礼貌。餐厅午市有卖丼饭定食🍱，价钱比较相宜，介乎$58-$98。另外，当然唔少得散叫嘅寿司同手卷啦🍣。我要咗丼饭餐，所以有埋胡麻田园沙律🥗以及海鲜味噌汤，好丰富。什锦鱼生丼($58)，哇哇哇，我敢讲呢个系我食过最好食嘅鱼生饭😋，贵几倍𠮶啲都无咁好食。第一样令我爱上嘅原因系寿司饭好高质，米饭温度保持微暖，醋味恰到好处，不会过酸或过淡，而且质感湿得嚟唔会黐立立🍚。第二，什锦鱼生平日比人嘅感觉系下栏嘢，但呢到不单止无呢个情况，反而我仲食到鱼生嘅鲜味。
朋友去攞位先，但谂都谂唔到Weekday竟然要等位之余，仲足足要等半个钟！其后我哋仲发现餐厅原来两点钟左右就会停止派筹，因为佢哋三点打后落场，晚市先再开返😮。
不过都明白嘅，因为座位极之少，一眼望晒，大约得十个吧枱座位。之但系装修真系几靓，几有日本风味🇯🇵，感觉干净衞生、无异味。完全唔似座落于街市旁嘅美食广场。
苦苦坚持，等到大约两点半终于有位😆，女店员即刻为我哋送上热茶🍵，过程中佢亦有不断帮我哋加水。店员同寿司师傅们都好好礼貌。
餐厅午市有卖丼饭定食🍱，价钱比较相宜，介乎$58-$98。
另外，当然唔少得散叫嘅寿司同手卷啦🍣。
我要咗丼饭餐，所以有埋胡麻田园沙律🥗以及海鲜味噌汤，好丰富。
什锦鱼生丼
$58
56 浏览
1 赞好
0 留言
火炙三文鱼寿司
$9
94 浏览
2 赞好
0 留言
朋友就单点咗寿司，款式有火炙三文鱼、特大赤海虾($13)、芝士飞鱼籽军舰($13)、火炙左口鱼裙边($13)、三文鱼籽军舰($24)、海盐轻烧中本鲔鱼腩($35)。本身仲点咗自家烧玉子，点知卖哂😭。定价都颇贵，因为最平𠮶八款都要成$9件、最贵要成$55！我都系食返丼饭算。
朋友仲点咗件葱呑拿鱼腩手卷($28)，卖相都几吸引🐟，但似呑拿鱼蓉多啲？
总括嚟讲，餐厅不愧为隐世寿司店，除咗位置稍为偏僻啲之外，「隐世」一词现今更蕴含富有实力嘅意思！平日我唔太有兴趣帮衬较细规模嘅寿司舖，因为惊鱼生唔新鲜，但呢度确系唔错，令我改观。特别系个寿司饭好正，好想再食🤤。餐厅晚市有做厨师发板，或许值得一试。＊＊＊＊＊
最后，餐厅系一间撑香港人嘅小店嚟💛。
随食评附上完整餐牌以供参考😊。
料理长推介部份哦👍。
张贴
