蔵鳶居酒屋

营业中

休息中

今日同好朋友食晚饭，佢拣咗呢一间位于尖沙咀闹市嘅居酒屋。佢喺The One附近，平时经过都唔会察觉有呢间嘢店员帮我哋安排坐bar 台，直接望住厨师喺你面前整嘢食，好似去咗食Omakase咁呀我哋两个人叫咗唔同嘅前菜同埋嘢食～首先叫咗个蟹子沙律同埋清酒煮蚬，想赞一赞佢嘅蚬非常之清甜好味呀如果啲萝卜都煮耐啲就好啦！再嚟我哋就叫咗唔同嘅寿司，包括有三文鱼寿司，烧三文鱼寿司同埋烧左口鱼寿司。全部都系望住个师傅整，佢仲会喺啲寿司饭度加少少酱油味道非常唔错啊！场内客人唔算多，好适合同朋友仔过嚟一路食嘢一路倾偈。店员嘅服务都非常勤快，基本上每食完一道菜就会帮我哋换碟换筷子。价钱来讲呢间都算少少贵我哋每人食咗$400左右。