影片
更多
2023-10-13
542 浏览
听讲要试过好食嘅嘢先有个比较识得分好唔好食🧐（当然世间就总有啲唔洗比较都知佢整得好难食嘅嘢食存在🫣）今次专程去到炮台山一间荣获日本唐扬协会金赏嘅小店嚟试吓认证级嘅炸鸡，睇吓同平时货色相比有咩唔同🍗小店由日本人主理，店面装修用上傅统日式风格，光猛企理✨成间铺座位唔算多不过就真系比较窄，枱同枱之间个距离只系隔一个身位都冇，孭住个袋想行入埋面坐真系要因住唔好扫咗人哋碟鸡落街😂▸ 唐扬定食（鞑靼沙律酱） | $127成个定食套餐包咗面豉汤、白饭、沙律同一款前菜，唐扬足足畀咗四大旧，自问唔算好细食但要我一个人食晒我谂我应该都会饱到上颈🫠蛋控对所有蛋类嘅发明品都冇抵抗力，所以今次第三次回头都系毫不犹豫拣返鞑靼酱🍳鞑靼酱用咗大量碎蛋捞埋沙律酱同洋葱等等材料整成，柠檬汁同芥末味道唔会太抢🍋酸酸甜甜食落好开胃解腻，配炸鸡呢啲咁邪恶嘅食物相当夹！有蛋又有鸡，今次真系一家团聚🐣（喂炸鸡本身炸得好香脆而且唔油腻，外皮炸得干身但内里就保留咗满满嘅肉汁，鸡肉亦都好嫩滑有弹性得嚟仲要啖啖肉🍖正正系因为外皮炸得够脆即使炸鸡部分表面淋上鞑靼酱亦都不至于浸到淋晒，咁远水路都回头三次咁多食爆爆真系有原因😎✨▸ 煎饺子 |
今次专程去到炮台山一间荣获日本唐扬协会金赏嘅小店嚟试吓认证级嘅炸鸡，睇吓同平时货色相比有咩唔同🍗
小店由日本人主理，店面装修用上傅统日式风格，光猛企理✨成间铺座位唔算多不过就真系比较窄，枱同枱之间个距离只系隔一个身位都冇，孭住个袋想行入埋面坐真系要因住唔好扫咗人哋碟鸡落街😂
▸ 唐扬定食（鞑靼沙律酱） | $127
成个定食套餐包咗面豉汤、白饭、沙律同一款前菜，唐扬足足畀咗四大旧，自问唔算好细食但要我一个人食晒我谂我应该都会饱到上颈🫠
蛋控对所有蛋类嘅发明品都冇抵抗力，所以今次第三次回头都系毫不犹豫拣返鞑靼酱🍳
鞑靼酱用咗大量碎蛋捞埋沙律酱同洋葱等等材料整成，柠檬汁同芥末味道唔会太抢🍋酸酸甜甜食落好开胃解腻，配炸鸡呢啲咁邪恶嘅食物相当夹！有蛋又有鸡，今次真系一家团聚🐣（喂
炸鸡本身炸得好香脆而且唔油腻，外皮炸得干身但内里就保留咗满满嘅肉汁，鸡肉亦都好嫩滑有弹性得嚟仲要啖啖肉🍖
正正系因为外皮炸得够脆即使炸鸡部分表面淋上鞑靼酱亦都不至于浸到淋晒，咁远水路都回头三次咁多食爆爆真系有原因😎✨
▸ 煎饺子 | $ Errr 唔记得咗
见唔少人都有试佢哋嘅饺子，今次特意点咗嚟试试佢🧐个人就觉得冇咩特别，就只系普通日式煎饺
外皮偏薄带少少韧性，饺子冇穿冇烂亦冇煎到干晒，但煎嘅位置只有丁点位置系脆嘅，肉馅都系同一般日式饺子一样比较松散唔算留得住肉汁，个人就觉得普通，唔需要特别嗌🥟
其实今次已经系第三次帮衬，事缘系食过一次之后真系周不时都会心挂挂想返嚟揾返呢种口感，虽然贵就系贵啲💸不过至少自己每次返嚟食都冇失望（不过唔知系咪心邪，最近一次去硬系觉得啲鸡细旧咗🐥）
✦ 食物 4.5 / 5 ✦
✦ 环境 3.5 / 5 ✦
✦ 服务 4 / 5 ✦
张贴