新匯聚餐廳小廚

营业中

休息中

前几日放工同女朋友去到观塘买完嘢，就谂住喺附近揾一间食小菜嘅，顺便饮下啤，点知就俾我哋发现咗呢一间隐世小菜。本人好钟意食黑椒同虾，所以二话不说就点咗呢一个胡椒粉丝虾煲。黑椒味好浓郁，而大虾都好大只好新鲜弹牙，仲有膏添。粉丝完全朔晒黑椒同虾嘅味道。😋😋之后重点咗个榄角骨配呢个椒盐鱿鱼。舐过骨有好香嘅蜜糖味，并唔系太咸，排骨都好新鲜好入味，又唔会好油腻，香口得来味道啱啱好。呢个椒盐鱿鱼就好香嘅蒜头同辣椒味，炸到好干身，鱿鱼都好新鲜爽口。最后我哋重点多咗一个肉松四季豆，四季豆炒到刚刚好唔会好老，肉松调味刚刚好，用嚟送饭一流。最后老细都好识做，送咗个椰汁马豆糕俾我哋食，咁样回头客一定多。