六合小廚 (已結業)

呢间餐厅真系好容易就行过左，晚上突然想食小菜，见到个易拉架就上左去呢栋隐世大厦既七楼揾食，上到去就安排左我地坐卡位台，职员推介食得辣可以试下口水鸡，我地就点左个口水鸡，薯仔蜜糖牛腩，咖哩牛筋饭同清汤牛腩饭。上菜速度都几快嫁，价钱抵又大碟，口水鸡少辣，但又真系辣得几过瘾，其实又唔算太辣果种。配饭一流。由于真系几钟意食牛腩所以我地叫左薯仔蜜糖牛腩，估唔到蜜糖同牛腩个味整做一味菜又真系几好味。咖哩牛筋饭同清汤牛腩饭更系大碟夹抵食。咖哩都好入味。职员也很用心推介我地食咩小菜好食，见我地杯水唔满仲不停问我地驶唔驶加水甘。