阿叔泰麵 (西菁街) (已結業)

阿叔泰面在OPEN RICE有高度评价，所以去试试。因为唔熟路，而且餐厅唔系位于大街，所以都揾咗一阵先揾到。大约12点几到餐厅，已经有好几个人等紧位，由于坐位不多，所以都等得几耐下。我好钟意食船面，所以点了鸡肉船面。食落有点失望，汤唔够香甜，不过汤其实系够味。冬荫功汤面，有豆腐卜、蟹柳、虾、青口等。味道好地道的冬荫功汤，酸及辣度适中，唔会互相抢味。酸酸辣辣好开胃，而且每啖面都有一啖𩠌，面同𩠌比例刚刚好。好味!!烧猪颈肉饭，猪颈肉烧食好香，边位有点香脆，肉有肉汁唔会食落好干。饭上淋上酱汁，饭同𩠌比例适中。地痞炸猪皮，一送到上枱，好香，但要趁热食，因为好快淋，淋好唔好食。如果两个人食，觉得份量太多了。菠萝梳打，唔会太甜，好饮。