文記清湯腩‧咖哩腩麵家 (已搬遷) 新店位置

前几日妈咪介绍国记之时路经此店，被佢传来既阵阵药材香味所吸引，所以第二日就拉埋男朋友黎陪我试。佢呢度个名系sell清汤同咖哩腩，就2款都叫黎试下。先讲咖哩腩，系红咖哩，味香，食落口你会慢慢食到佢既辣味，同埋佢冇椰汁(因为有椰汁我唔食的)，入面有onion and potato，吸收哂佢既咖哩味，牛腩系半肥瘦(小妹对牛腩既认识唔算太多，唔知佢系咩位)，入口甘香而滑，个人好钟意。至于清汤，有淡淡既药材香味，牛腩都系半肥瘦，咬落有阵好香既牛油味系个口度，不过最吸引我都系个药材汤，饮落有阵阵既药材味，另外再加多一个清汤萝卜，甜而冇渣，好好味。铺面光猛，加上四人位比起一般粉面铺大，坐得几舒服，食野途中，老板娘仲走黎倾计讲笑，老板都系可以说笑之人，食得好开心，服务方面超赞。绝对有下次。