新嚐泰泰國餐廳

营业中

休息中

湾仔内街平时有好多唔少嘅地道美食，咁啱今日经开水渠道，发现咗呢间超级隐世嘅正宗泰菜。餐厅应该新开无耐，入面装修充满泰国风，座位都阔落，墙身有唔少嘅泰国壁画做背景，环境算干净特别。入面啲店员同埋个厨师都系正宗泰国人，充满地道风味。我哋要咗个蟹肉奄列，大大份，入面包住超多蟹肉同肉松，好有泰国街头嘅味道。之后我哋要咗个好特别既咖喱，叫喷靓咖喱鸡跟薄饼，餐厅嘅摆盘都10分美观，薄饼煎得香脆热辣辣，配埋个咖喱汁一齐食，简直系绝配，咖喱带点椰汁香，送饭都一流，带有少少微辣。最推介系佢嘅查泰式炸盲曹，呢款平时好少机会食到，蔓草多肉无骨，炸起来好香口，再配埋佢嘅自制泰式酱汁10分惹味，令人念念不忘。估唔到佢连甜品芒果糯米饭都咁吸引，佢会特登整热糯米饭，增加口感，芒果份量都唔少大大只，成餐饭令人置身于泰国一样。