鮪世市場 (已結業)

去将军澳寻幽探秘，嚟到gateway呢个街市以为得街坊嘢食啦，点知行行下见到呢间日本菜，铺头细细但格局已经不得了，有哂吧枱，见到师傅即席上寿司，简直似去返第一次日本食寿司嘅铺头，餐牌仲有omakase厨师发办！点可以唔试下呢？上菜真系一如所料，系用靓靓长碟放寿司，真系够哂风味架！首先当然要食啲开胃嘢，玉子做前菜最啱！上汤味道同蛋嘅甜味都几夹，有水准！至于飞鱼子就够哂大粒，一啖放晒入口，之后就成口汁，够哂满足！不过呢个芥辣八爪鱼军舰更加值得一试，好入味八爪鱼又够爽口，最推荐！至于主菜鱼鱼，呢度食嘢可以帮你重新认识一次吞拿鱼家族，各式各样嘅吞拿鱼组合都好高水准，尤其系佢有个特选本鲔寿司盛，必叫！大中拖罗，再加赤身同军舰，各有各出色！不过可能我妹仔肚，最爱都系中拖罗，油脂同肉比例刚刚好！不过值得一提系象拔蚌刺身，呢度系一大份上，唔系一般嘅切片，口感甜味另有风味！不妨一试！