皇子印度餐廳 (海富樓)

营业中

休息中

亲友介绍下黎到呢间地点较隐蔽的印度餐厅，餐厅较细，只能容纳约30人，要大枱的话要预早一点攞枱，今次我地10人，6点半家人都到齐，先上餐前小食胡椒薄脆，热辣辣好重胡椒味好脆，但味道偏咸。蕃茄汤，有香草，味道偏淡，可以落d 薄脆加咸，哈哈…蒜蓉炒杂菜，d菜好爽甜，酱油炒得好惹味。咖哩角，个皮非常松化，入面有满满既咖哩薯仔，够香口。薯仔沙律，有青瓜蕃茄椰菜，用酸甜既酱汁混合，好开胃，好清爽，叫左咁多烤肉，一定要叫呢个平衡一下味蕾，正!串烧鸡，份量好多，铁板热辣辣上枱，用乳酪腌过再混上红椒粉烤焗，肉质变得更松化，保留到肉汁同嫩滑口感。烤羊架，用香草腌过，好入味，肉质够嫩，油脂味较羊仔柳重。烤羊仔柳，呢个绝对有惊喜，份量多到震，淡淡肉，肉质爽滑，肉汁非常多，必食推介!咖哩羊肉，咖哩味香浓，羊肉够稔，羊脂膻味较烤肉重，但配可无限添加既千层薄饼，非常合衬。芝士薄饼，包住厚厚可以拉丝既芝士，非常邪恶之物。以上全部叫左双份，10个人 1300蚊，价钱可以话非常合理，下次会再举家帮衬。