影片
更多
2017-07-31
144 浏览
相熟嘅食友早前试过依间咖啡店，觉得质素相当高，知我喜欢叹吓咖啡，又晌中环区工作，所以，推荐小弟嚟试一试。小店位处皇9嘅嘉轩广场，其实，正正晌小弟做嘢斜对面，一于早少少过嚟当食个早餐。除咗Starbucks、Pacific Coffee等连锁大铺，中环几个大商场都有依一类小型咖啡店，铺位细细，专做外卖，明显喺专做楼上写字楼客，但亦设有少量企位供立食。全店以湖水蓝衬白色云石，显得典雅清新。咪睇佢铺位细细，正所谓麻雀虽小，五脏俱全，提供多款饮品。除惯常所见嘅意大利浓缩咖啡系列，仲有唔少单品咖啡，期间亦见唔少知音人嚟叹杯单品咖啡，此外，仲有少少非咖啡嘅饮品。虽然嘉轩呢个商场一向俾人感觉都喺静，不过，嚟帮衬饮杯咖啡嘅人可不少。见师傅一个人一脚踢，忙而不慌，应付自如。食品方面，选择唔多，就喺晌另一边柜枱一眼睇晒，有法式酥饼及英式松饼，均以玻璃罩冚实，衞生功夫做足。不过，以小店嘅格局，依等轻食应该都喺来货多。鲜奶咖啡一向喺我嘅不二首选，落单时，仲可以俾客人拣豆，一款喺果香味重啲，另一款就果仁味重啲，我就拣咗后者嚟冲泡我杯咖啡。Caffe Latte $40湖水蓝嘅茶杯，贯彻番咖啡店嘅「色通」，虽然咖
除咗Starbucks、Pacific Coffee等连锁大铺，中环几个大商场都有依一类小型咖啡店，铺位细细，专做外卖，明显喺专做楼上写字楼客，但亦设有少量企位供立食。全店以湖水蓝衬白色云石，显得典雅清新。
咪睇佢铺位细细，正所谓麻雀虽小，五脏俱全，提供多款饮品。除惯常所见嘅意大利浓缩咖啡系列，仲有唔少单品咖啡，期间亦见唔少知音人嚟叹杯单品咖啡，此外，仲有少少非咖啡嘅饮品。
虽然嘉轩呢个商场一向俾人感觉都喺静，不过，嚟帮衬饮杯咖啡嘅人可不少。见师傅一个人一脚踢，忙而不慌，应付自如。
食品方面，选择唔多，就喺晌另一边柜枱一眼睇晒，有法式酥饼及英式松饼，均以玻璃罩冚实，衞生功夫做足。不过，以小店嘅格局，依等轻食应该都喺来货多。
鲜奶咖啡一向喺我嘅不二首选，落单时，仲可以俾客人拣豆，一款喺果香味重啲，另一款就果仁味重啲，我就拣咗后者嚟冲泡我杯咖啡。
Caffe Latte $40湖水蓝嘅茶杯，贯彻番咖啡店嘅「色通」，虽然咖啡喺要讲质素，但饮鲜奶咖啡，就总期望欣赏到靓嘅拉花，师傅拉花嘅手势好得，咖啡面无多余嘅泡泡，多重嘅心形拉花均匀对称，线纹细致，心形收尾嘅尖位啱啱好对正六点位，拉得属完美嘅作品。入口口感及味道好平均，顺滑、醇香，的确有点果仁香气，而咖啡味唔会时重时轻，非常均匀。
Caffe Latte
$40
73 浏览
0 赞好
0 留言
包点中，法式嘅酥皮类一向甚受大众欢迎，无论咸甜，小弟都钟意。朱古力酥皮包，外形四四方方，外皮金黄，似乎焗得唔错。咬一口，包身都挺松软，但睇佢嘅酥皮层次唔算好清晰，内层嘅朱古力浆唔算多，但胜在香浓，整体算喺唔错。
见佢哋柜枱面有啲包装精美嘅咖啡豆，嚟自埃塞俄比亚、哥伦比亚、肯亚及哥斯达黎加，都喺出产靓豆嘅国家之一，一睇就知喺作零售散卖，可以通知面包班同学仔嚟帮衬吓。
正所谓一日之计在于晨，亦听唔少人讲三餐中早餐应该要食得丰富啲，不过，简简单单，一杯赏心嘅咖啡，啱口味嘅面包，已经可以好好咁叉足电。
张贴
