九鼎百味

营业中

休息中

香港美食多多，街市亦不例外，高手云集。呢间隐世小店， 质素意外地出色！朋友都一致好评！麻辣鸡煲（半只）鸡嘅件数都多，佢嘅酱料同出面嘅有啲唔同。麻味同辣味唔会盖过鸡嘅鲜味，又唔会太咸，送饭简直一流。好欣赏佢嘅鸡皮系有煎过仲系脆，但鸡件都系腍滑嘅。食得出佢冇落味精，食完个口唔会好咸好干。值得一试啊。炸墨鱼饼爽口弹牙，食到墨鱼嘅鲜甜味。上枱嘅时候真系热辣辣新鲜出炉，个阵墨鱼香味令人食指大动。食落口仲要食到又多又大嘅墨鱼粒，绝对唔系出面面粉多过墨鱼嘅墨鱼饼。锅贴小棠菜食到个馅系墨鱼蓉加大量小棠菜，外皮香脆绝对唔会觉得成口炸粉。呢样菜式特别在真系未试过，小棠菜馅加埋墨鱼肉竟然咁好食。钟意食煎炸菜式嘅你地绝对唔可以错过。