麵檔 (已結業)

中午见完客，近近地本来想食拉面, 所以去左登龙街。后来倾倾下行到街尾见到有个几得意嘅招牌，就入左去试，食店要沿楼梯落地库。装修格局几特别，怀旧得黎又几modern咁，真系估佢唔到原来系食点心同中式小食, 粉面类。D waitress 好nice, 好细心介绍推介食物，又帮我地预份量。脆皮牛腩 - 系我食过中差不多最好食的，脆皮松化，牛腩软硬适中，好甘香。点埋配汁就冇咁腻。炸章鱼丸 - 汁系精髓，酸酸地, 好开胃, 每颗章鱼丸都有好多粒章鱼碎, 又弹又有口感蜜汁叉烧 - 部位好松软, 味道ok, 不过唔系烧得好香果种奶黄流沙包 - 系我去到边度食点心都会点嘅，呢个真系估佢唔到, 一咬就劲流心, 奶黄超香。糯米鸡 - 正常味道, 好足料, 糯米好干身，几好食。不过几个人share 一只就够，都几饱。烧卖 - 虾肉比例都好适中，好少肥肉, 大大粒, 唔会散, 味道卖相都系贵价酒楼嘅水准鲮鱼球 - 同事点的, 我少食, 比较清淡, 同好爽口弹牙