Tipsy burger (已結業)

难得我自由身，可以四周围去，自己走到去鲗鱼通睇下有咩食，行行下见到有间美式汉堡包店好似唔错，同我都有一段时间都无食过汉堡包喇，入去试下。价钱都算合理，加$18就有饮品同薯条。【双重芝士手打牛肉汉堡】set combo+$18份量都唔细，主打是手打牛肉，肉味超浓，再配埋秘制酱汁，真系绝配，包又够松软，芝士味又够香浓，内里仲有生菜、蕃茄、洋葱等配料，CP值都唔错。【车打芝士酱薯条】普通薯条转车打芝士酱薯条再加$10我地到最后有加钱转车打芝士酱薯条，芝士味真系好香浓，每条薯条都是粗身，所以每条都是外脆内软的口感，不错。【忌廉芝士蘑菇酿鸡翼】香浓啖啖内的忌廉芝士蘑菇酿鸡翼，外表炸得非常香脆，内里每啖都有芝士蘑菇，肉汁又够多，做得非常不错。