影片
更多
2023-01-01
536 浏览
圆铁板烧📍尖沙咀广东道30号新港中心地库大食代🌄环境颇为宽敞，唔会好逼👍🏻桌面同铁板有适当空间，坐得好舒服嘅～🧡食物我哋今日食嘅系$738两位嘅——牛馔，我将会按照佢哋嘅上台顺序嚟讲，但系呢间系台式铁板烧，所以唔会好似其他铁板烧咁，见到你食到差唔多先再烧下一碟，而系好快上台，好处就系可以一时食下呢个一时食下𠮶个～😆🍲餐汤系一个味噌汤，清清地，冬天饮落好舒服～🥬铁板炒时菜今日嘅时菜系油麦菜，不过不失，为等阵嘅肉类同海鲜做咗一个比较清新健康嘅开场，算系一个平衡营养嘅菜式🤣🦐牛油烧汁阿根廷红虾配杂菜到海鲜嘅部分，一上枱就觉得呢个红虾好大只，肉质紧实，颇为弹牙，牛油烧汁唔会话好浓味，而系将成个红虾鲜甜嘅味道激发晒出嚟，唔系有一定嘅新鲜度，我谂个效果唔会咁好🥳🐚牛油香煎黑椒鲍鱼呢个亦系十分好食嘅，鲍鱼一啲都唔韧，调味恰到好处，黑椒少少嘅辛味，使海鲜𠮶种腥味消失晒，鲍鱼嘅鲜味得到升华，十分好食😘值得一提嘅系，我frd食完旁边嘅冬菇之后，觉得呢个简直系素版嘅鲍鱼，闻言，我都试咗一旧，不禁深感认同🥩牛之盛合呢个有三种唔同嘅牛，分别系：宫崎和牛、澳洲和牛、美国安格斯，配：黑椒、蒜粒、黑松露盐。我个人嚟讲
📍尖沙咀广东道30号新港中心地库大食代
🌄环境
颇为宽敞，唔会好逼👍🏻桌面同铁板有适当空间，坐得好舒服嘅～
🧡食物
我哋今日食嘅系$738两位嘅——牛馔，我将会按照佢哋嘅上台顺序嚟讲，但系呢间系台式铁板烧，所以唔会好似其他铁板烧咁，见到你食到差唔多先再烧下一碟，而系好快上台，好处就系可以一时食下呢个一时食下𠮶个～😆
🍲餐汤
系一个味噌汤，清清地，冬天饮落好舒服～
🥬铁板炒时菜
今日嘅时菜系油麦菜，不过不失，为等阵嘅肉类同海鲜做咗一个比较清新健康嘅开场，算系一个平衡营养嘅菜式🤣
🦐牛油烧汁阿根廷红虾配杂菜
到海鲜嘅部分，一上枱就觉得呢个红虾好大只，肉质紧实，颇为弹牙，牛油烧汁唔会话好浓味，而系将成个红虾鲜甜嘅味道激发晒出嚟，唔系有一定嘅新鲜度，我谂个效果唔会咁好🥳
🐚牛油香煎黑椒鲍鱼
呢个亦系十分好食嘅，鲍鱼一啲都唔韧，调味恰到好处，黑椒少少嘅辛味，使海鲜𠮶种腥味消失晒，鲍鱼嘅鲜味得到升华，十分好食😘值得一提嘅系，我frd食完旁边嘅冬菇之后，觉得呢个简直系素版嘅鲍鱼，闻言，我都试咗一旧，不禁深感认同
🥩牛之盛合
呢个有三种唔同嘅牛，分别系：宫崎和牛、澳洲和牛、美国安格斯，配：黑椒、蒜粒、黑松露盐。我个人嚟讲，觉得宫崎和牛系最啱我口味嘅，油脂分布平均，十分软嫩，一咬落去，富有油脂香气嘅肉汁喷涌出嚟，十分罪恶🥰而澳洲和牛就比较瘦，但系冇筋，所以系感受到肉香味嘅同时，又可以毫不费力地咬到🥰而美国安格斯则比较烟韧，有咬口，但系佢系最平衡到油脂同肉味嘅一款，全部都好出色🥰
调味方面，我个人最钟意黑松露盐，觉得佢咸得嚟有黑松露嘅香味，好特别，就算食多几旧肉都唔会腻，但系蒜粒亦系一个好好嘅选择，微辛之余带住少少甜味，好出色～😝
🍛和牛炒饭
粒粒分明嘅蛋炒饭，上面有啲和牛粒，香味十足，但系调味比较清淡，所以食一碗都唔会觉得太多～
🐠西京烧比目鱼扒
呢个系比到好大惊喜我嘅一道菜式，系我成餐入面最钟意嘅，比目鱼表面烧到金黄松脆，而入面白花花嘅，一片软嫩，外脆内软做得十分出色，一啲腥味都冇，而酱汁系西京烧汁，混合咗味醂、酒，同白味噌。酸酸甜甜咁，加上外脆内嫩嘅鱼肉，为今餐做咗个好好嘅收尾～😋
💛甜品
🍰 伯爵茶蛋糕&焦糖咖啡蛋糕
伯爵茶蛋糕少少嘅茶味，带有淡淡嘅回甘；焦糖咖啡蛋糕则好香嘅咖啡味，甜度较高，个人比较钟意食前者～😋
💚饮品
🥤咸柠七
喺铁板烧饮到咸柠七都几惊喜，但系其实好夹，成餐咁多肉类同海鲜，咸柠七咁啱可以解腻，十分合适
🧋珍珠奶茶
呢个奶茶则是全糖奶茶，十分甜，珍珠唔会煮唔透，作为一个跟餐嘅珍珠奶茶完全合格！
推荐度：😋😋😋😋😋
张贴
