影片
更多
2019-10-22
147 浏览
今日同朋友食晚餐，嚟到成公司附近，佢介绍左呢间串烧，话净系开晚市，所以去试下。呢度除左有串烧之外，仲有鸡煲食。老板娘好健谈，好好招呼，佢话呢度嘅串烧同鸡煲都系即叫即做，而且因为明火烧，所以会好食啲同要俾啲时间。一嚟就试下个鸡煲先，你估唔到嘅系，一间串烧专门店系会连鸡煲都咁出色。佢有别于一般出边嘅鸡煲，佢系唔会连炉上嘅，而系你落咗order之后佢会即时帮你整一个鸡煲然后直接上枱，因为唔系过炉一路煲住嘅关系，所以啲鸡全部都好滑。最令我惊喜嘅系佢鸡煲嘅配菜，唔系单调嘅洋葱，而系加咗青瓜，四季豆，青椒红椒，成个鸡煲唔会好油，而且加埋呢啲入晒味嘅青瓜，仲带有一点清新嘅感觉。真系好食到连一块洋葱都唔放过。朋友已经做好准备带咗一支啤酒嚟迎接串烧。首先系呢个鸡泡鱼干，甜甜地，唔会烧到好干，绝对系下酒小食。然后仲有嗌咗个鸡扒，鸡扒嫩滑，鸡皮都烧到脆卜卜。朋友嫌唔够仲叫埋佢个烧鸡皮，脆卜卜热辣辣，真系越邪恶越好食。另外我仲带咗佢个蜜糖烧花枝丸，热辣辣胀卜卜，甜甜地又弹牙。跟住就系重头戏 - 烧蛏子。蛏子好新鲜，处理得好干净白雪雪，烧到啱啱好，啲鲜甜嘅汁连埋粉丝同蒜蓉，真系绝配。然后仲嗌左个翠玉瓜，翠玉瓜感
一嚟就试下个鸡煲先，你估唔到嘅系，一间串烧专门店系会连鸡煲都咁出色。佢有别于一般出边嘅鸡煲，佢系唔会连炉上嘅，而系你落咗order之后佢会即时帮你整一个鸡煲然后直接上枱，因为唔系过炉一路煲住嘅关系，所以啲鸡全部都好滑。最令我惊喜嘅系佢鸡煲嘅配菜，唔系单调嘅洋葱，而系加咗青瓜，四季豆，青椒红椒，成个鸡煲唔会好油，而且加埋呢啲入晒味嘅青瓜，仲带有一点清新嘅感觉。真系好食到连一块洋葱都唔放过。
朋友已经做好准备带咗一支啤酒嚟迎接串烧。
首先系呢个鸡泡鱼干，甜甜地，唔会烧到好干，绝对系下酒小食。
然后仲有嗌咗个鸡扒，鸡扒嫩滑，鸡皮都烧到脆卜卜。
朋友嫌唔够仲叫埋佢个烧鸡皮，脆卜卜热辣辣，真系越邪恶越好食。
另外我仲带咗佢个蜜糖烧花枝丸，热辣辣胀卜卜，甜甜地又弹牙。
跟住就系重头戏 - 烧蛏子。蛏子好新鲜，处理得好干净白雪雪，烧到啱啱好，啲鲜甜嘅汁连埋粉丝同蒜蓉，真系绝配。
然后仲嗌左个翠玉瓜，翠玉瓜感觉唔够干身，但系甜甜地都几好食。
而烧韭菜，都系唔够干身，比较湿，如果孜然粉再多一啲会更加好食。
食串烧点可以少得烧茄子，呢条烧茄子真系好大条，铺满蒜蓉，烧到啱啱好，好食到停唔到口。
最后点少得烧菠萝嘅出场，烧菠萝烧得好干身，但系一咬开就爆汁，而且好甜，系一个最好嘅甜品。
佢呢度除咗有一般嘅啤酒同汽水之外，仲有啲自家制嘅凉茶，同埋一啲手工啤同大酒都可以选择。讲起自家制嘅嘢，佢呢度仲有自家制辣椒粉，我试咗一啖已经辣到不得了，但系爱食辣嘅朋友竟然可以成兜用晒，因为佢个辣椒粉真系好香。
张贴
